რომანტიზმი, როგორც ლიტერატურული მიმდინარეობა
რომანტიზმი, როგორც ლიტერატურული მიმდინარეობა, წარმოიშვა მე-18 საუკუნის ბოლოს და მე-19 საუკუნის დასაწყისში. ის იყო რეაქცია საფრანგეთის ბურჟუაზიული რევოლუციისა და მასთან დაკავშირებული განმანათლებლობის მიმართ. უნდა აღინიშნოს, რომ კაცობრიობის ისტორიაში XVIII საუკუნე ერთ-ერთი უშესანიშნავესი ხანაა. ამ დროს ევროპაში და უფრო კი მტკივნეულად საფრანგეთში სოციალურ ფენათა გიგანტური გადაჯგუფება ხდებოდა. XVIII საუკუნის მანძილზე ახალი, სამოქმედოდ დარაზმული კლასი, ბურჟუაზია პრივილეგიებით აღჭურვილ სისხლის არისტოკრატიასთან უკანასკნელი გადამწყვეტი ბრძოლისათვის ემზადებოდა. ამ სოციალური გადაჯგუფებისა და ამოქმედების შედეგი იყო XVIII ს-ის მეორე ნახევარი - საფრანგეტის დიდი ბურჟუაზიული რევოლუცია თავისი მოსამზადებელი ხანითა და გრანდიოზული შედეგებით. ეს ხანა კაცობრიობის ისტორიაში ძალთა არაჩვეულებრივი დაჭიმვის ხანაა. საფრანგეთის დიდმა რევოლუციამ XVIIIს-ის ცისკარი შეღება წარმტაცი იმედებით. ეს ხანა არაჩვეულებრივი და ძლიერი იყო არა მარტო საფრან...